կրթական կայք է:Դուք հավանաբար ունեք հարցեր, որոնք անպատասխան են մնացել, չնայած ամենատարբեր աղբյուրներում Ձեր անդադար...Երիտասարդ տարիների սեռական փորձը կարևոր դեր է խաղում հետագա տարիների ընթացքում վերարտադրողական և սեքսուալ առողջության պահպանման գործում, որը ընտանիք կազմելու և ներդաշնակ ամուսնական կյանք վարելու կարևոր նախապայմանն է:
Երիտասարդության տարիներին` սեռական հասունացմանը զուգահեռ ընթանում են անձի հոգեկան և սոցիալական զարգացումները և բարեհաջող ընթացքի արդյունքում ձևավորվում է ներդաշնակ անձնավորություն, որը հասուն է թե՛ մարմնապես, թե՛ հոգեբանորեն, թե՛ սոցիալապես: Միայն այս դեպքում կարելի է վստահորեն ասել, որ անձը պատասխանատու է իր կյանքի և սեռական վարքի համար:
Վաղաժամ սեռական հարաբերությունները սպառնալիքի տակ են դնում առողջությունը, ուսումը, մասնագիտության ձեռք բերումը, այսինքն` կարող են աղավաղել երիտասարդի ողջ ապագան: Իսկական հասունացումը սեռական կապի մեջ մտնելը չէ միայն, այլ այդ հարաբերությունների համար ողջ պատասխանատվությունը կրելու հնարավորությունը:
Երիտասարդ տարիքում սեռական դրևորումներից են` առաջին սեռական հարաբերություն, պետինգ, սեքսուալ երևակայում, սեքսուալ էքսցես, սեքսուալ աբստինենցիա, ձեռնաշարժություն, հոմոսեքսուալ և բիսեքսուալ մղումներ, սեռական վարքի ստերեոտիպերի ձևավորում, պրոմիսկուիտետ:
Երիտասարդ տարիքում սեռական ակտիվությունը ունի մի քանի վտանգավոր հետևանքներ, դրանցից են `
Սեռական վարքի շեղումներ
Սեքսուալ դիսֆունկցիաներ
Սեռական ճանապարհով փոխանցվող ինֆեկցիաները
Անցանկալի հղիությունը
